Kreu i Kuvendit Gramoz Ruçi ka qenë i pasaktë në komunikimin që ka patur sot me mediat për çështjen e Saimir Tahirit dhe mbledhjen e Keshillit te Mandateve. Nuk dimë të themi nëse ka qenë një gafë apo lapsus, nxitim apo mungesë informacioni, por duke iu referuar shkresës së dorëzuar në Kuvend për heqjen e mandatit të Saimir Tahirit, Ruçi ka përmendur Prokurorinë e Tiranës më shumë se një herë.
Nëse dë të kishte lexuar shkresën, ashtu sikurse tha (me të cilën deklaroi se ishte njohur në orën 17:00) Ruçi do të kishte kuptuar që ishte Prokuroria e Krimeve të Rënda ajo që e kishte dërguar këtë kërkesë dhe jo Prokuroria e Tiranës. Dokumenti mban emrin e Kryeprokurorit të krimeve të rënda, Besim Hajdarmataj.
