Ditën e sotme pritet diskutimi i mandatit të Tahirit në Këshillin e Mandateve dhe Rregullores. Poshtë banesës së Tahirit kanë qëndruar sot për rreth 2 orë disa gazetaë të cilët e kanë pritur të dalë. Tahiri sot ka qenë kryefjala e të gjithë mediave për shkak të zhvillimeve të shumta në lidhje me çështjen ku ai është i përfolur.
Sipas “News24”, në banesën e Tahirit ka qenë edhe Presidenti i Partizanit Gazmend Demi. Në fund Tahiri ka dalë i vetëm nga shtëpia. Pas daljes Tahiri ka dhënë një prononcim të shkurtër për gazetarët, ku i buzëqeshur ka thënë vetëm “nuk keni parë gjë akoma”. Deputetët e Partisë Demokratike kanë kërkuar sot mbledhjen e Këshillit të Mandateve, por kryetari i Kuvendit Gramoz Ruçi nuk e ka konfirmuar ende. Sipas Ruçit nuk i ka ardhur akoma një kërkesë nga Prokuroria.
