Kryetarja e LSI-së Monika Kryemadhi ka dhënë një deklaratë të shkurtër për mediat pas përfundimit të tryezës së partive politike opozitare. Ato kanë dalë me një deklaratë të përbashkët ku kërkojnë largimin e Kryeministrit.
Ja si u shpreh Kryemadhi për gazetarët e interesuar për të mësuar më shumë rreth aksionit që do ndërmarrë opozita e bashkuar:
“Tryeza është një sinjal shumë i mirë për këdo, për të gjithë ata që duan vendin e tyre, sepse ky front do nisë angazhimin për të nisur një aksion politik, një luftë kundër narko-shtetit i cili përfaqësohet nga Rama. Ajo është është shumë e rëndësishme është se të gjitha partitë politike në tryezë ishin të shqetësuara për situatën politike në vend. Kjo është një kambanë shumë e madhe për të gjithë shoqërinë shqiptare.
Kjo ishte tryeza e parë, do ketë edhe të tjera. Sa i takon protestave, këtë nuk e bëjnë partitë politike, por protestat vijnë nga populli dhe populli duhet të besojë tek ata që drejtojnë. ky front kundër krimit do jetë më inspiruesi që do kenë shqiptarët. Klasa politike t;i japë fund tranzicionit politik, është i vetmi vend ish-komunist që po kalon ende në tranzicion”, u shpreh Kryemadhi.
