Gazetari i “News 24”, Artan Hoxha ka qenë personi i vetëm që ka komunikuar në telefon me Saimir Zallin, 35-vjeçarin nga Lezha që kërcënoi përreth një ore se do të hidhej nga vinçi në qendër të Tiranës.
Zalli është parë të flasë në telefon teksa konsumonte cigare, ndërsa personi me të cilin fliste ishte gazetari Hoxha.
Vetëm pak minuta më parë, ky i fundit, në një rrefim për BalkanËeb, gazetari tregoi të gjithë bisedën që ka pasur me 35-vjeçarin dhe si e ka bindur që fillimisht të zbresë nga vinçi.
Sipas tij, Zalli e kishte marrë në telefon dhe i kishte thënë që quhej Saimir dhe që hallin që kishte mund t’ia zgjidhte vetëm ai.
Hoxha tregoi se në ato momente nuk ndodhej pranë vendit të ngjarjes, i kishte thënë se po i dërgonte kolegun e tij.
Ai tha se fillimisht i kërkoi të zbresë nga vinçi, se do të merrej ai me problemin e tij, ndërsa shtoi se Zalli këmbëngulte se ka një hall të madh.
Hoxha: Më mori në telefon dhe më tha që quhej Saimir e se hallin që kishte mund t’ja zgjidhja vetëm unë. Duke qenë se nuk isha afër vendit ku po kërcënonte se do hidhej i thashë po të dërgoj një kolegun tim. Fillimisht i kërkova të zbriste që aty se do merresha unë me problemin e tij. Ai këmbëngulte tha se ka një hall të madh.
Një orë më parë, Saimir Zalli, 35-vjeç nga Lezha kërcënoi të hidhej nga vinçi në qendër të Tiranës, nëse nuk i mundësohej një takim me Prokurorin e Tiranës për t’i komunikuar diçka.
Pas telefonatës së qytetarëve të rastësishëm në vendngjarje, policia dhe forcat zjarrëfikëse shkuan menjëherë në vendin e ngjarjes, duke rrethuar zonën.
Fatmirësisht ashtu siç edhe ka ndodhur edhe në disa ngjarje të tjera të ngjashme, as kësaj radhe nuk pati pasoja dhe kërcënuesi vendosi të zbresë pas negociatave.
Ai u shoqërua në polici ku edhe do të japë sqarimet e nevojshme se përse ndërmori këtë rrugë.
Në vendngjarje shkoi edhe drejtori i Policisë së Tiranës.
Ende nuk dihen arsyet konkrete që çuan të riun të ndërmarrë një veprim të tillë.
Ky nuk është rasti i parë dhe në rastet e mëparshme, personat kërcënues kanë zbritur pas negociatave me policinë./Opinion.al
