Aktori i njohur Neritan Liçaj ka qënë i ftuar sot në emisionin “Kush vjen për drekë”. Ai ka folur për marrëdhënien e tij të veçatë me gruan, që edhe pse të martuar ligjërisht, ata kanë vendosur të mos jenë aspak tradicional. Siç tregon edhe aktori, dashuria e tyre nisi me shikim të parë në vitin 1997.
“Ishte viti i keq i 1997-ës, kur e pashë. Më bëri përshtypje energjia dhe dielli që ajo reflektonte. Por kjo gjë ka ndodhur dhe me Holtën, i kisha bërë dhe asaj përshtypje.”- tregon aktori.
Ata kanë së bashku dy djem. Neritan Liçaj tha se nuk i ka qef traditat pavarësisht se i respekton ato. Ndonëse janë ligjërisht të martuar, aktori dhe gruaja e tij tregojnë se nuk kanë bërë kurrë dasëm dhe s’mbajnë unaza.
“Nuk na pëlqejnë të tilla gjëra. I respektojmë të gjithë ata që e bëjnë këtë, por ne kemi zgjedhur kështu. Madje as njëri-tjetrin nuk e quajmë si burrë dhe grua. E thërrasim me emra, Holta dhe Neritani.”- shton ai.
