Tre thashë me lëndë narkotike e llojit “Cannabis Sativa” janë sekuestruar mëngjesin e sotëm nga policia kufitare në kufirin me Malin e Zi. Gjatë patrullimit punonjësit e policisë të cilët po lëviznin në drejtim të kufirit me Malin e Zi dhe secili po transportonte nga një thes ku dyshohej se kishte lëndë narkotike.
Pasi kanë parë se po ndiqeshin nga Policia, në vendin e quajtur Rapsh, Malësi e Madhe, personat kanë fshehur thasët me lëndë narkotike në shkurre dhe duke shfrytëzuar kushtet e errësirës dhe terrenin e thyer malor janë larguar në thellësi të kufirit me Malin e Zi.
Gjatë kontrollit të zonës janë sekuestruar 3 thasë ku brenda të cilëve kishte 60 pako me peshë 67.5 kg lëndë narkotike “Cannabis Sativa”. Policia po punon për kapjen e poseduesve të lëndës narkotike.
