Biznesi i grumbullimit të gështenjës në Tropojë, ka përplasur me njëri-tjetrin dy biznesmenë të zonës.
Burime nga Policia e Tropojës thanë se është arrestuar shtetasi Arben Kërrnaja, pasi ka kërcënuar paraditen e sotme shtetasin R.Pojanaku, përfaqësues i një kompanie private që ushtron aktivitetin në mbledhjen dhe përpunimin e gështenjave.
“I arrestuari Kerrnaja, i cili gjithashtu merret me mbledhjen e gështenjave, ka bllokuar paraditen e sotme makinën ku udhëtonte Pojanaku në zonen e quajtur Koj, duke e kërcënuar se nëse nuk do të tërhiqej nga aktiviteti tregar në Tropojë, atëherë ai do të ketë probleme serioze për jetën”thotë Policia.
I gjendur në këto rrethana, Pojanaku ka bërë kallëzim pranë komisariatit të Policisë, Tropojë.
Menjëherë janë organizuar forcat policore, të cilët kanë arrestuar shtetasin Arben Kerrnaja, për veprën penale “Konkurenca e paligjshme” nëpërmjet dhunës dhe kanosjes.
