Lumturi Ratkoceri kryetarja e Aleancës Kuq e Zi, ka dhënë një intervistë mjaft interesante për “Vip Pages” të Gazetës Shqiptare. Ajo u rikthye në vëmendjen mediatike, pas lajmit se është edhe vjehrra e një prej moderatorëve më të njohura në Shqipëri, Floriana Garos.
Në intervistë ajo ka folur edhe për rolin e saj në politikë, si edhe për Aleancën Kuq e Zi. Ratkoceri ka rrëfyer se politikën e nisi në vitin 2004 kur u zgjodh drejtoreshë e “Universitetit Shqiptar të Gjenevës”. Arsyeja pse ajo sot zgjodhi të ishte kryetarja e Aleancës Kuq e Zi është për faktin se sipas saj është e vetmja parti me vizion të qartë për mënyrën se si mund të bëhet Shqipëria.
Në fund të intervistës ajo ka rrëfyer marrëdhënien miqësore që ka me nusen e djalit të saj Florianën.
“Unë dhe Floriana as që e kemi parë ndonjëherë raportin tonë me syrin e vjehrrës dhe nuses. Ne njihemi prej një viti dhe marrëdhënia jonë është e dy mikeshave të mira që e vlerësojnë dhe e respektojnë shumë njëra-tjetrën. “ – u shpreh ajo.
Politikania ka dhe një dëshirë të madhe të bëhet gjyshe pasi e sheh ëndrrën e çdo nëne. Por vendimin ja ka lënë në dorë Enisit dhe Florianës.
