Ish-deputeti socialist Eduart Ndocaj është ndaluar gjatë natës së djeshme në Portin e Durrësit, në momentin kur ka qenë duke u imbarkuar në një prej trageteve për në Itali.
Ndalimi i tij është bërë nga policia kufitare, pasi ndaj tij ishte bërë një kallëzim për mashtrim nga një qytetar italian, për një shumë prej 78 mijë eurosh, si dhe për një makinë tip ‘Audi’.
Denoncimi ndaj tij ishte bërë në Policinë e Lezhës dhe pas ndalimit janë njoftuar menjëherë këta të fundit, të cilët kanë mbërritur në Durrës.
Eduard Ndocaj më pas është dërguar në ambientet Policisë së Lezhës, ku pas verifikimeve dhe konsultimeve me prokurorinë, është vendosur që të hetohet në gjendje të lirë.
Ja njoftimi i Policisë së Durrësit:
Më datë 09.10.2017, në PKK Port, Durrës, u kap shtetasi në kërkim E. N., vjeç 42, banues në Manati Lezhë, pasi dyshohet se nëpërmjet mashtrimit në Itali, i ka vjedhur një shtetasi italian nje shume eurosh.
Ne perfundim te veprimeve te kryera nga D.V.P Lezhe ndaj shtetasit E. N., u referuan materialet ne Prokurori dhe ndiqet ne gjendje te lire per vepren penale parashikuar nga neni 143/2 i Kodit Penal.
