Nuk është e thjeshtë të jesh futbollist, por edhe më pak nëse luan në skuadrën e Christian Panucci-t. Trajneri italian duket se nuk lëshon për ansjë çast pe për futbollistët e tij. Newsport.al shkruan që mbrëmë, pas ndeshjes me Spanjën, teksa darkonin në hotelin Hospes Amerigo në Alacante, ca patate të skuqura të kërkuara nga një prej futbollistëve shqiptarë kanë nervozuar trajnerin.
Futbollisti kishte folur me mjekun e skuadrës para se t’i porosiste patatet e skuqura, por kur ato kanë mbërritur në tavolinë, sipas newsport.al, Panucci ka nisur një debat të zjarrtë dhe si përfundim patatet nuk janë ngrënë.
Një ndeshje tjetër e rëndësishme tri ditë më vonë, ndoshta e detyron Panucci-n të tregohet kaq i rreptë.
Megjithatë kur Spanja luajti në Loro Boriçi, në dhomat e zhveshjes, futbollistët e saj lanë gjurmët e ushqimeve që do e kishin çmendur Panucci-n, patate të skuqura, bukë, pica, çokokrem…
Sekreti me siguri nuk qëndron te dieta, edhe pse të gjithë e dimë që patatet e skuqura nuk janë një ushqim i shëndetshëm. Siç edhe po mësojmë që trajneri italian e ka shumë të rëndësishme të vendosë rregulla të rrepta dhe futbollistët t’i zbatojnë ato.
