Me siguri që kur keni qenë të vegjël pozicionoheshit përballë televizorit dhe ndiqnit me kërshëri programet televizive që Radio Televizioni Shqiptar transmetonte. Bëhet fjalë për gjithë fëmijët pas viteve 90 të cilët janë rritur nën shoqërinë e emisioneve për fëmijë në TVSH, sepse atëherë nuk kishte telefon e iphone. Por një nga emisionet e pëlqyer për ju ka qenë ai për fëmijë i prezantuar nga Manjola Lloja Bushati dhe Romina Ruda.
Teksa Romina e ka vazhduar rrugën e saj si prezantuese në emisione, Manjola Lloja është shkëputur nga bota e televizionit për të vazhduar rrugën e biznesit.
Prej tre vitesh së bashku me motrën e saj, ajo ka hapur një dyqan dhe nuk është aspak i zakonshëm, këtë mund ta vëmë re që nga emri që ka “Nji mar, nji mrapsht”. Të “pushtuar” nga emra të huajt që zgjedhin pronarët për biznesët e tyre, Manjola ka zgjedhur diçka shumë ndryshe e që i përshtatet më së miri produketeve që tregton: prodhimeve artizanale.
Shumë pak nga ju mund ta kuptojnë, por pasi ajo na ka rrëfyer se përse ka zgjedhur ta quajë pikërisht kështu dyqanin e saj, do t’ju pëlqejë absolutisht shumë. E ftuar tek “Rudina”, Manjola ka rrëfyer se dyqani është quajtur pikërisht kështu për dy arsye, e ndërsa është zgjedhur gegërishtja për shkak të origjinës së saj: Shkodra.
“Është quajtur “Nji mar, nji mrapsht” pasi kështu nis një punë dore, rreshti i parë me shtiza. Gjithashtu ka dhe një kuptim të dytë që do të thotë se jo gjithmonë ecin punët shumë mirë, ashtu si ne duam. Gegërisht sigurisht për shkak ë origjinës sonë, ne jemi Shkodrane”, tregon ajo.
Manjola së bashku me motrën e saj kanë zgjedhur që t’u japin vlerën e duhur punimeve të dorës, dhe siç tregon ajo, po ecën mjaft mirë si biznes.
Ishte një biznes që në fillim i bënte njerëzit pak dyshuesit, por kaecur mjafti mire. Nga 3 artizanë me të cilët kemi bashkëpunuar sot janë 150 artizanë. E kemi nisur në prill të 2014, si një dëshirë për të bërë diçka që mungonte”, tregon Manjola. /Opinion.al
