Një ngjarje e rëndë u shënua pasditen e djeshme në Kamës. Një 15 vjeçar i kishte vjedhur çelësat e makinës të atit dhe kishte “fluturuar” në rrugët e lagjes bashkë me 3 shkoë të tjerë. Pas aventurës që ngjati 15 minuta makina e drejtuar nga adoleshenti u përplas me shtyllën. Fatkeqësisht i vdekur ka mbetur miku i tij, edhe ai 15 vjeçar, ndërsa të tjerët janë plagosur.
Policia tha se 15-vjeçari pa patentë ka ecur shpejt me makinë, ka humbur kontrollin dhe është përplasur fatalist me shtyllën në rrugën Donald Trump të Kamëz.
Policia bëri me dije se si pasojë e përplasjes janë dëmtuar tre fëmijë, shtetasit E.B., 11 vjeç, K.T., 16 vjeç, dhe K.C., rreth 15 vjeç (të tre pasagjerë në mjetin tip “Benz”). “Shtetasi K.C., rreth 15 vjeç, ka ndërruar jetë rrugës për në spital, ndërsa dy të dëmtuarit e tjerë janë jashtë rrezikut për jetën.
Menjëherë pas aksidentit të rëndë të ndodhur në Kamzë, policia ka nisur hetimet për ngjarjen. Sipas dëshmive të para të mbledhura nga grupi i hetimit, ka rezultuar se 15- vjeçari që shkaktoi aksidentin ia kishte marrë çelësat e makinës babait të tij pa dijeninë e këtij të fundit.
Më pas, 15- vjeçari ka dalë fshehurazi nga banesa dhe ka hipur në makinën e parkuar aty pranë, duke ftuar edhe shokët e tij “për një shëtitje”.
