Gjon Gjezaj, te cilit me urdher te prokurorise iu sekuestrua sot nje apartament ne emer te tij ne Tirane eshte emer i njohur per policine spanjolle. Ai eshte pjese e nje bande shqiptaresh, qe kane kryer vjedhje te shumta, nga te cilat 35 i jane dokumentuara
Mediat spanjolle raportojne se pjesë e bandës ishin Emilian Gjezaj, Anastas Osmani dhe Gjon Gjezaj, të cilët janë dënuar me 7 vite burg gjithsej, 6 për vjedhje të vazhdueshme dhe 1 vit për pjesëmarrje në një grup kriminal. Nderkohe qe grabitjet janë kryer mes datës 6 nëntor 2015 dhe 14 mars 2016. Pas arrestimit ata pranuan te bashkepunojne qe te perfitojne uljen e denimit. Ne kembim te uljes se denimit ata duhet te paguajne 100% për kompensimin e viktimave në një shumë prej 48 mijë, nga të cilat janë paguar 27.430 në momentin që është përmbyllur gjyqi në qershor të këtij viti në Gjykatën e Santiagos. Vendimi gjithashtu kërkon nga ata që të paguajnë shpenzimet gjyqësore. Banda shqiptare filloi udhëtimin e saj kriminal duke sulmuar dy shtëpi në A Coruña dhe prej andej u zhvendos në tërë krahinën. Komuna më e prekur ishte Oleiros, me dymbëdhjetë plaçkitje, e ndjekur nga Culleredo, me gjashtë; Arzua, me tre, dhe Betanzos, me dy. Sipas policise, Emilian Gjezaj veproi si kreu i grupit dhe ishte përgjegjës për dhënien me qira të automjetit me të cilin ata u zhvendosën dhe shtëpitë në të cilat ata jetonin përkohësisht. Synimi kryesor i grabitjes së tyre ishin bizhuteritë, duke arritur të merrnin sende me vlerë deri në 11 mijë euro.
