Futbollistët e kombëtares shqiptare kanë zbritur në stadiumin e Strumicës për të parë terrenin e fushës ku pas pak çastesh do të luhet takimi kundër Maqedonisë.
Djemtë e drejtuar nga tekniku Christian Panuçi po inspektojnë terrenin ku do të luajnë një nga ndeshjet më të zjarrta të grupit, raporton opinion.al.
Ndeshja do të luhet në një stadium me një kapacitet prej vetëm 6500 tifozësh, por masat e marra nga policia maqedonase janë mjaft të larta dhe është parë pak orë para nisjes së takimit.
Stadiumi “Mladost” në Strumicë për një kohë të gjatë ka qenë jashtë funksionimit dhe vetëm kohët e fundit Federata Maqedonase ka bërë ndërhyrjet e saj.
Gjithçka është e improvizuar në këtë impiant duke nisur që nga ambientet në hyrje të stadiumit e deri edhe te pankinat ku do të ulet kombëtarja shqiptare me këto të fundit që ishin marrë me huazim nga stadiumi ”Filipi II”në Shkup, ndërkohë që janë vendosur edhe stola të rinj.
