Kryeministri Edi Rama ka shtruar një darkë për Kryeministrat e Ballkanit që morën pjesë në takimin informal që u zhvillua paraditen e sotme në vilën qeveritare në Durrës.
Darka u zhvillua në restorant “Padam” në Tiranë dhe zgjati rreth 2 orë e 30 minuta. Në këtë darkë ishin të pranishëm Kryeministri i Kosovës Isa Mustafa, Kryeministri i Maqedonisë Zoran Zaev, Kryeministrja e Serbisë Brnabic, Kryeministri i Malit të Zi Dushko Markovic dhe kryetari i këshillit të ministrave të Bosnje-Hercegovinës Denis Zvizdic.
Darka vjen disa orë pas përfundimit të takimit informal mes tyre, ku i pranishëm ishte edhe eurokomisioneri Johannes Hahn dhe zv.presidentin e Bankës Botërore për Europën dhe Azinë Qendrore Cyril Muller.
Krerët e qeverive të Ballaknit ranë dakord për një dokument me 115 pika në funksion të një transformimi rrënjësor në kuadrin e lëvizjes së mallrave dhe shërbimeve.
