Policia ka dhënë informacionet e para në lidhje me atentatin e ndodhur mesditën e sotme në Shijak. Burimet thanë se makina e Gjokës është qëlluar nga një tjetër makinë që po ecte paralel me të.
Asnjë plumb nuk ka kaluar në brendësi të makinës, pasi mjeti ishte i blinduar. Gjoka bashkë me familjen mësohet se ishin duke udhëtuar me një makinë tip ‘Benz’.
Informacion paraprak
Më datë 23.08.2017, rreth orës 14:05, në vendin e quajtur “4 Rrugët Shijak”, në afërsi të Komunës Xhafzotaj është marrë njoftim se është qëlluar me armë zjarri në drejtim të mjetit tip Benz , me drejtues shtetasin D.GJ.
Nuk ka persona të lënduar. Menjëherë është ngritur grupi hetimor, të cilët po punojnë për sqarimin e rrethanave të ngjarjes dhe identifikimin e autorit.
