Interesimi i vazhdueshëm për Ousmane Dembele ka zemëruar presidentin e Bayern Mynich Uli Hoeness, i cili gjithashtu kritikoi Barcelona.
Dembele po detyrojë një lëvizje të mundshme në Camp Nou por kjo ka shqetësuar Hoeness, i cili beson se Barcelona mund të ketë luajtur një rol në atë situatë. “Nuk kam respekt për këtë klub [Barcelonën] nëse ata janë prapa asaj që po ndodh me Dembele”, tha Hoeness, përcjell Albeu.com.
Dhe Joachim Loë gjithashtu u bashkua me Hoeness duke thënë: “Unë thjesht e dënoj një lojtarë që ka një kontratë, por shkon dhe proteston, sepse ai dëshiron të lëvizë”, – tha ai për Eurosport. “Është absurde dhe do të thotë se kontratat nuk kanë më vlerë për asgjë. Dembele të mos kërkojë një largim me forcë nëse Dortmund nuk pranon. Ai e nënshkroi vetë kontratën me Dortmundin dhe nuk e detyruan”.
