Një 48 vjeçar u arrestua nga policia gjatë ditës së djeshme pasi nën kërcënimin e armës kishte arritur të grabiste një kazino në autostradën Tiranën Durrës. Policia tha se autorit në momentin e arrestimit iu gjetën dhe 6 doza kokainë. Duart Berziu, 48 vjeç po ndiqet penalisht për vjedhje me dhunë dhe shitje të lëndëve narkotike.
Njoftimi i policisë Tiranë
Më datë 08.08.2017, rreth orës 17:50, në një kazino në autostradën Durrës -Tiranë, nën kërcënimin e një arme tip pistoletë, Duart Berziu i ka marrë një shumë lekësh punonjësit të kazinos dhe më pas është larguar me një motor pa targa.
Në momentin e arrestimit, gjatë kontrollit të ushtruar në mjetin motor tip “Zongshen”, iu gjetën 6 doza lëndë narkotike, e dyshuar e llojit kokainë si dhe një shumë prej 18.000 lekë të reja.
U sekuestruan në cilësinë e provës materiale :
– Mjeti motor tip “Zongshen”.
– 6 doza lëndë narkotike e dyshuar e llojit kokainë.
– 18 000 lekë të reja.
Materialet u referuan në Prokurorinë e Rrethit Gjyqësor Tiranë, në ngarkim të shtetasit të lartpërmendur për veprat penale “Vjedhje me dhunë” dhe “Prodhim dhe shitja lëndëve narkotike”.
