Jam i sigurt që po t’ju thoja se marrëdhënia bashkëshortore është gjithmonë perfekte, do ju gënjeja.
Ndonjëherë mund të mbeteni vetëm, ndoshta pas disa kohësh nuk do e ndjeni njëri-tjetrin si dikur, ndonjëherë ka raste që bashkëshortin/bashkëshorten as nuk do ta pëlqeni dhe as nuk do doni të rrini pranë njëri-tjetrit. Martesa është një marrëdhënie e rëndësishme që kërkon kohë dhe përkushtim që të funksionojë në mënyrën më perfekte të mundëshmë.
Nuk është e pazakontë që çiftet të përfundojnë në gjyq, shkaktarë të këtij problemi bëhen shumë faktorë si stresi , kriza shëndetësore , probleme ekonomike , çështje familjare si grindjet e vazhdueshme. Këto lloj faktorësh fillojnë të na largojnë nga themeli i martesës. Por këto faktorë duhen mposhtur, sepse disa grindje dhe mospërputhje mendimesh nuk duhet të bëhen shkaktarë që martesa të marrë fund .
Një çift mund ta ringjallë ose ta ndezë zjarrin e dashurisë duke u munduar ta kuptojnë njëri-tjetrin, duke ditur sesi të komunikojnë më njëri-tjetrin, të besojnë tek njëri-tjetri, të gjejnë besimin dhe dashurinë.
Këtu do gjeni 10 shenjat paralajmëruese që marrëdhënia juaj bashkëshortore është në rrezik:
- Komunikimi juaj është thjesht formal, nuk flisni me njëri-tjetrin thjesht shkëmbeni informacion.
- Kur mendoni për të shkuar në shtëpi dhe mendimi për të qenë pranë bashkëshortes ju bën të ndiheni të dëshpëruar.
- Kur shikoni që koha që rrini së bashku ju duket si e detyruar.
- Kur bashkëshorti ose bashkëshortja juaj nuk tregon fare interes për gjerat që ju flisni.
- Kur bahkëshorti ose bashkëshortja juaj nuk tregon fare interes për të afërmit e njëri-tjetrit.
- Kur cështjet e intimitetit nuk shkojnë mirë, ose thjesht ideja për të qenë intim jua shpif .
- Ju nuk ndani asnjë aktivitet ose qëllime të përbashkëta.
- Kohën e lirë nuk e shfrytëzoni më me njëri-tjetrin.
- Kur grindjet bëhen të vazhdueshme dhe rutinë.
- Kur abuzohet me marrëdhëniet seksuale, financiare, verbale, emocionale, fizike.
