Deputetja demokrate Jozefina Topalli duke folur sot në studion e “Kjo Javë’, me gazetaren Nisida Tufa, e krahasoi Lulzim Bashën me rastin e Armando Prengës, kur foli për “vetëngirjen” e zotit Basha.
“Filloi me shpalljen e vetëngrirjes, nën shembullin e Armando Prengës, proces frigoriferik, antikushtetues”.
Topalli ka bërë edhe nje deklaratë të fortë kur u pyet nga gazetarja se çfarë do të ndodhë me PD pas zgjedhjeve për kryetarin e ri.
Ajo tha se “gjithçka mund të ndodhë”, duke e lënë të hapur edhe mundësinë për një lëvizje të re apo parti të re brenda PD.
“Veprim tjetër? Jemi 3 dekada nga dalja nga diktatura, se fal njeri që forca politike që rrëzoi bustin e Enver Hoxhës, të sjelli në krye të PD…
Cdo gjë mund të ndodhi sot. Demokratët kanë refuzuar farsën, Bashën që asgjësoi të djathtën, e coi në minimumin e saj historik duke ia kaluar 97-es. Edhe pas kontratës së tij të fshehtë me Ramën, PD është Troja dhe në krye të PD është kali që historinë e dimë më pas”.
Ajo tha edhe pse nuk mori pjesë në takimin e grupit anti-Basha një ditë më parë me demokratet e Tiranës:
“Nuk bie dakort me termin grupin anti-Basha se s’është as realiste, as etike, janë me mijëra demokratë, anëtarë, aktivistë, ish drejtues të PD të cilët kanë një thirrje, unë kam një thirrje, apel për një analizë, unë s’mund të bëj sikur s’e kam parë, dëgjuar apo kuptuar, s’mund të bëj sikur vetëngrirja e kryetarit të forcës time politike është normal, aq më tepër kur ma shesin si statuor.
Çdo përpjekje për të vendosur në shina statuore dhe për t’i thirrur ndërgjegjes, për t’i qëndruar raportit me të vërtetën, të mos e lëmë peng të një njeriu që e ka cuar në rezultatin historik më dramatik… unë jo vetëm kam një histori kritike më të hershme, kam pasur një kërkesë për dorëheqje të parevokueshme.
Ato që thonë mos të japë dorëheqje ato nuk e duan PD, ata që bëjnë thirrje për largim, e duan dhe i dhëmb PD.
Shqiptarët e kanë shkarkuar në 25 qershor, janë 230 mijë votues që na kanë votuar në 2013, e kanë refuzuar Bashën”.
Duke folur për atë që tha Sali Berisha sot pas votimit se dorëheqja e kryetarit s’është i parashikuar në statut, Topalli tha:
“Berisha ka dhënë shembullin e tij, duke dhënë dorëheqjen e parevokueshme kur kishte 230 mijë vota më shumë se Basha, por çështjet e rezultateve pas zgjedhjeve janë çështje morale, etike, jo thjesht statuore, s’është e thënë të shkruhet që ti kur con partinë tënde në minus 230 mijë votues…, presupozohet se duhet të jesh i përgjegjshëm. Kjo është përpjekje për të marrë peng një parti, që po kthehet në një biznes familjar”, tha Topalli.
