Dy grupet më të mëdha të repit në Shqipëri OTR dhe Babastars që prej vitesh janë edhe rivale mes tyre, së fundmi kanë performuar në të njëjtin vend, në Mitrovicë të Kosovës.
Këtë besoj e keni mësuar të gjithë pasi të dy drejtuesit e grupeve e kanë bërë të ditur në faqet e tyre në rrjetet sociale, që do të mbanin koncert në Mitrovicë. Getoar Selimi ka publikuar në instagram një poster ku ju tregon fansave të tij vendin ku do të ndodhej në 19 korrik, i shoqëruar nga Majk. Po ashtu gjatë natës së koncertit Noizy ka publikuar disa video nga koncerti duke shkruajtur shumë dashuri në Mitrovicë, shkruan opinion.al
Duket se koncertet e të dyja palëve kanë kaluar më së miri, secili ka patur fansat e vet dhe mes dy grupeve rivale prej vitesh, nuk është krijuar asnjë përplasje.
Por Noizy, megjithatë, duket se ka dashur të ngacmojë pak por jo si herët e tjera, ai ka postuar në profilin e tij në Instagram momente nga entuziazmi i koncertit dhe performancave të grupit, Noizy ka shkruar mbi video “Dua të di konkurrenca si kanë kaluar…” – duke iu referuar pa dyshim Babastars-ave.
Kohëve të fundit shihet një lloj paqeje në largësi mes dy drejtuesve të grupeve Noizy-t dhe Getoar Selimit. Asnjëri prej tyre në daljet publike nuk ka përmendur sharje apo ofendime për tjetrin, edhe në rrjetet sociale të tyre nuk ka më mesazhe që të nxisin urrejtje mes dy grupeve më të suksesshme muzikore në Shqipëri. Prej kohësh as ato të ashtuquajturat “diss-e” nuk janë publikuar më. Çfarë ka ndodhur që Noizy dhe Geti i kanë ulur “armët”? Ndoshta të dy e kanë kuptuar se dhuna dhe mesazhet negative nuk sjellin sukses në muzikën e tyre, sepse të dy janë më të suksesshëm tani që nuk shajnë njëri-tjetrin në koncertet e tyre live. /Opinion.al
