Është vënë në pranga sot Artan Alimuçaj, djali i Vehbi Alimaçajt, ish-bossit të firmës piramidale “Vefa”. Policia tha se 41 vjeçari, Alimuçaj me banim në Tiranë është kapur pasi ndaj tij ka një urdhër-arresti lëshuar nga prokuroria që në nëntor 2015.
Artan Alimuçaj është dënuar me 4 vite burg në mungesë nga Gjykata e Tiranës për veprën penale “Pastrim i produkteve të veprës penale”ose thënë ndryshe fshehje të pasurisë së përfituar në mënyrë të paligjshme.
Akuzat e prokurorisë
Ish-Presidenti i firmës piramidale “VEFA” Vehbi Alimuçaj dhe djali i tij Artan Alimuçaj akuzohen për fshehjen e një shume prej afro 1m ilionë dollarësh në Hungari. Nga hetimi ka rezultuar se shtetasi Vehbi Alimuçaj, i cili ka qenë administrator i firmës piramidale “Vefa”, është dënuar për veprën penale të “Mashtrimit” për një numër shumë të madh personash, rezulton se ka pasur një llogari bankare në një bankë në Hungari në shumën 328 mijë dollarë. Po ashtu, rezulton se në të njëjtën bankë, djali i tij, shtetasi Artan Alimuçaj ka pasur një llogari bankare në shumën 647 mijë dollarë.
Shumat në fjalë janë lënë të fjetura nga viti 1996, kur janë vendosur në bankë deri në 2010 kur është tentuar të përdoren duke u transferuar.
Sipas hetimit të prokurorisë, rezulton se këto para janë të prejardhura nga aktiviteti i paligjshëm “Mashtrim” i shtetasit Vehbi Alimuçaj deri në vitin 1997, kohë kur u rrëzua skema e tij piramidale.
*foto e Vehbi Alimuçajt, 20 vite me parë
/Opinion.al
