Ambasadorja e Gjermanisë në Shqipëri Susanne Schütz ka vlerësuar procesin e zgjedhjeve të 25 qershorit, ku fitoi Partia Socialiste.
Duke folur nga Korça, ambasadorja gjermane u shpreh se rezultati i zgjedhjeve ishte i qartë dhe pret nga qeveria që të vazhdojë reformat për të avancuar drejt Bashkimit Europian.
“Kënaqësi që procesi zgjedhor u zhvillua normalisht. Pjesëmarrja ka qenë relativisht e mirë dhe rezultati i zgjedhjeve ishte i mirëdefinuar. Ajo që presim është vijimi i reformave që Shqipëria t’i afrohet sa më shumë Bashkimit Europian”, u shpreh ambasadorja gjermane.
