Çështja e tenderave në institucionet shtetërore dhe publike, sado që ka patur rritje kontrolli dhe kërkesë llogarie nga autoritetet e kontrollit përkatës, sërish le hapësira për abuzime dhe anshmëri në favor të kompanive të caktuara.
TV Klan disponon një dokument ankimimi pranë komisionit të prokurimeve publike, ku një bashkim kompanish kundërshton vendimin e Komisionit të Vlerësimit të Ofertave të Agjencisë Kombëtare të Ujësjellës Kanalizimeve që i ka skualikuar ata nga gara e tenderimit edhe pse kishin ofertën më të ulët, që do të thotë automatikisht edhe tuese.
Por, çështja në fjalë bëhet akoma më interesante kur në dokumentin përkatës , shihet që drejtuesit e Agjencisë Kombëtare të Ujësjellës Kanalizimeve nuk kanë skualikuar nga gara vetëm kompaninë me ofertën më të ulet në tender, rrjedhimit dhe tuese, por edhe te gjitha kompanitë e tjera pjesëmarrëse duke lënë në garë vetëm njërën prej tyre.
Pra, sipas të dhënave të kësaj tabele, ku për arsye etike po fshehim emrat e kompanive pjesëmarrje në tender, shihet se Komisioni i Vlerësimit të Ofertave të tenderit të organizuar nga Agjencia Kombëtare e Ujësjellës Kanalizimeve me objekt Rehabilitimin e rrjetit te ujësjellësit të qytetit të Përmetit, u refuzohet oferta katër prej pesë kompanive që kanë bërë një ofertë. Dhe kanë lënë në garë, rrjedhimisht duke i hapur edhe rrugën e timit të tenderit vetëm njërin prej tyre që në fakt ka një ofertë disa herë më të lartë se oferta më e ulët. Konkretisht me një diference prej, 98.000.000 leke të reja. Kompania me ofertën më të ulët e ka ankimuar vendimin e skualimit nga gara, por drejtuesit e Agjencisë Kombëtare të Ujësjellës Kanalizimeve nuk kane pranuar as ta marrin ne shqyrtim atë.
Te mbetur pa përgjigje nga kjo agjenci dhe me ofertë të refuzuar me arsye të paqena, ashtu si edhe katër komapnitë e tjera, kompania me ofertën më të ulet ka bërë ankimim në Komisionin e Prokurimeve Publike si organi me i lartë që shqyrton ankimimet për procedurat e prokurimit publik. Edhe pse një bashkim kompanish me punë të ngjashme të kryera në të shkuarën, që lidhen me objektin edhe të këtij tenderi sërish drejtuesit e agjencisë kombëtare të ujësjellës kanalizmeve kanë vendosur të refuzojnë ofertën e tyre që është edhe me ulëta. Dhe që sipas vete rregullave të prokurimeve publike duhet të ishte dhe tuese. Duke lënë në garë një kompani që në të vërtetë ka kryer më parë punime, të cilat nuk kanë lidhje me këtë objekt, por dhe ato nuk i nuk kanë përfunduar ende, pasi nuk kane një akt kolaudimi përfundimtar ashtu si dhe ligji e kërkon.
