Deputetja Albina Deda në reagimin e saj të parë për rezultatet e votimit të së dielës, ka bërë një analizë të asaj që po ndodh me votat e PD-së dhe i bën madje edhe një lutje kreut demokrat Lulzim Basha, të mos japë dorëheqjen.
Postimi i Albina Deda
Rezultatet dhe projeksionet e deritanishme e nxjerrin PD-në në një situatë të papritur, aspak të merituar që si mua dhe çdo demokrat e hidhërojnë deri në shok. Përpara se të jap opinionin tim të sinqertë ju bej thirrje demokratëve ta përjetojnë me qytetari e fisnikëri këtë situatë të rëndë.
Ngelem po aq shumëe e tronditur nga entuziasmi i shumë eksponentëve të PD-së e analistë të cilët pa menduar pasojat apelojnë për dorëheqje të menjëhershme të kryetarit Basha. Së pari z.Basha ka një mandat politik të papërfunduar si kryetar i PD-së, i pari i zgjedhur me një anëtar, një votë. Janë po ata njerëz që nuk e votuan 4 vite më parë që nuk lanë rast pa e kontestuar ani pse ky kontekst ka ndikuar fuqishëm në negativitetin e këtij rezultati.
Ata tani kërkojnë medeomos këtë situate kritike që në mjegull e hidhërim të mund të realizojnë ambiciet e tyre me shumë meskine e egoiste sesa efektive për riorganizimin e PD-së.
-Së dyti, askush nuk thotë sot se jo partia, por Shqipëria ishte kauza-Basha. Dhe kësaj kauze ndonëse më tepër kosto partiake, Basha i shërbeu. Si kujtoni ju se krimi e oligarkia, të korruptuarit e narko-trafiku nuk do reagonin dhunshëm ndaj Bashës e PD-se?
Por Lulezim Basha në këtë sfide nuk pati vetëm humbje. Parlamenti i ardhshëm do ketë shumë më pak kriminelë, ndoshta vetëm dy të cilet nuk do mund ta fillojnë mandatin e tyre. Për herë të parë pushteti pati frikë të instrumentalizojë administratën.
Natyrisht kjo duket e vogël por është premisa më e fortë drejt shtetit ligjor. Nuk diskutohet se ka pasur lajthitje në zgjedhjen e ekipit electoral, por gjithesecili e njeh situatën nga ku ne u futem me emergjencë në zgjedhje.
Pa dashur të bëj një analizë të detajuar që për gjithsecilin është e domosdoshme, apeloj Kryetarin Basha që në këto kushte të mos e konsiderojë dorëheqjen. Le ti presim rezultatet me qetësi dhe reagimet ti bëjmë me logjike demokraci dhe fisnikëri duke mos u fshehur pas gishtit në këtë bashkëfajësi. z.Basha dhe ne , që ju bashkuam vizionit të tij nuk kemi pse kërkojme ndjesë tek ishët që i entuziazmon humbja por tek demokratët e vërtetë që kurrë nuk u tunduan por na mbështetën me patetizëm. Ata vetëm ata, i kemi zhgënjyer e lënduar.
REAGIMI I STRAZIMIRIT:
Sakaq, ne nje reagim deputeti demokrat Gent Strazimiri inkurajon të gjithë demokratët që rezistuan dhe kërkon që të qëndrojnë me “kokën lart”.
Postimi i Strazimirit:
“MIRENJOHJE per secilin nga JU vellezer e motra demokrate, qe punuat, rezistuat e qe ende QENDRONI ne mbrojtje te votes dhe idealeve tona brenda dhe jashte qendrave te numerimit!
MIRENJOHES ZOTIT, sot me shume se cdo here tjeter, qe e shkroi te jem NJERI NGA JU!
ATDHEU sot ka nevoje me shume se kurre per forcen e zemres dhe dashurine tone!
KOKEN LART dhe VETEM PERPARA!!!”
