Ministri i Brendshëm Dritan Demiraj deklaroi se zv/ministri, Ilir Marko vazhdon të ushtrojë detyrën, edhe pse Edi Rama kërkoi shkarkimin e tij pas përplasjes me ish-ministrin e Brendshëm, Saimir Tahiri.
Demiraj sqaroi se zv/ministri i Brendshëm Ilir Marko nuk është shkarkuar ende, pasi kërkesa e Edi Ramës do të diskutohet në mbledhje qeverie, sipas udhëzimeve që do të japë zv.kryeministrja teknike, Ledina Mandija. Demiraj pohoi se nëse shkarkimin e Markos ia kërkon zv.kryeministrja, atëherë ai do ta firmosë atë.
“Është e vërtetë që Ilir Marko nuk është shkarkuar ende. Kërkesa e kryeministrit do diskutohet në mbledhje qeverie dhe në baze të udhëzimeve që do na japë zv.kryeministrja (Ledina Mandija) do japim votën tonë. Nëse ma kërkon zv. kryeministrja unë do e firmos shkarkimin”, deklaroi ministri i Brendshëm teknik, Dritan Demiraj në emisionin “Kjo Javë” në “Neës 24”.
Rama urdhëroi të enjten shkarkimin e Ilir Markos për shkak se u konfliktua me Saimir Tahirin. Fillimisht, LSI-ja ka denoncuar me emra konkretë rastet e blerjes së votave në qarkun e Tiranës, duke akuzuar se, pas këtyre veprimeve antiligjore, ishte ish-ministri i Brendshëm, Saimir Tahiri. / Syri.net
