Një çift nga Ekuadori i ka befasuar të gjithë me deklaratën e tyre. Camila Castello, 34 vjeç dhe partneri i saj, 36-vjeçari Akahi Ricard pretendojnë se prej 11 vitesh nuk kanë konsumuar asgjë përveç 2-3 copa frutash në javë. Çifti pretendon se nuk ndjen asnjëherë uri dhe se mjaftohen vetëm nga energjia që marrin prej ajrit dhe dritës. “Njerëzit mund të jetojnë pa ngrënë fare dhe këtë mund ta bëjnë lehtësisht përsa kohë janë të lidhur me energjinë që transmetojnë gjërat që na rrethojnë. Unë dhe Akahi nuk kemi ngrënë asgjë për tre vjet dhe tani hamë me raste ndonjë frut, vetëm për të provuar shijen e tij”, thotë Camila.
E habitshme është që Camila është nënë e dy fëmijëve shumë të shëndetshëm dhe madje as gjatë shtatëzanisë ajo nuk ka ngrënë fare. Sipas 34 vjeçares, të gjithë analizat e saj ishin të shkëlqyera dhe asnjë problem shëndetësor nuk ka ardhur nga kjo dietë. Çifti ka një djalë 5-vjeçar dhe një vajzë 2 vjeçe, por asnjëri prej fëmijëve nuk mban regjimin e prindërve. Ata theksojnë se kjo i ka ndihmuar që edhe paratë e tyre t’i shpenzojnë me gjëra të cilat pëlqejnë.
