Edi Rama ka publikuar vite më parë foto me kameramanin e tij personal, Erind Vogli. Por, sot u njoftua nga policia se 39 vjeçari ishte arrestuar për vjedhje celularësh.
Pasi mediat publikuan fotot e Ramës me kameramanin e tij, zyra e shtypit e kryeministrisë nxori dokumentin e pushimit nga puna të kameramanit Erind Vogli.
Dokumenti nuk jep arsyet e largimit, por duket se është firmosur në 12 Maj nga Sekretari i Përgjitshëm Ëngjëll Agaçi. Me publikimin e dokumentit Kryeministria duket se del e larë me këtë histori, duke thënë se Vogli nuk është më punonjës i saj.
Njoftimi i policisë për arrestimin e hajdutit, kameraman i Kryeministrit
Më datë 14.06.2017, Specialistët e Komisaraitit të Policisë Nr 1, kanë finalizuar me sukses operacionin “Taktika”, ku është arrestuar në flagrancë shtetasi:
– Erind Vogli, 39 vjeç, banues në Tiranë, i dënuar më parë për Vjedhje
Për këtë shtetas është arritur të dokumentohet me prova ligjore se është autor i dyshuar i vjedhjeve të ndodhura:
• Në juridiksionin e Komisaritit të Policisë Nr 1:
Më datë 14.06.2017, në afërsi të Pazarit të ri, ka vjedhur telefonin e markës HTC, në pronësi të shtetases E. K.
Më datë 10.06.2017, në rrugën “Luigj Gurakuqi”, ka vjedhur telefonin e markës Samsung, në pronësi të shtetases E. G.
• Në juridiksionin e Komisaritit të Policisë Nr 1:
Më datë 12.06.2017, në rrugën e “Kavajës”, ka vjedhur telefonin e markës Huaëei, në pronësi të shtetases H. Q.
Më datë 09.06.2017, në rrugën e “Ibrahim Rugova”, ka vjedhur telefonin e markës Samsung, në pronësi të shtetases E. S.
Në cilësinë e provës materiale janë sekuestruar:
1. Një telefon i markës HTC
2. Një biçikletë e markës Gial
3. Dy bluza të cilat dyshohen të jenë përdorura prej tij ne momentin e ngjarjeve.
Materialet proceduriale i’u kaluan Prokurisë pranë Gjykatës së Rrethit Gjyqësor Tiranë, për veprën penale “Vjedhja”, parashikuar nga Neni 134 i Kodit Penal.
