Autori i dyshuar dhe tashmë i arrestuar për vrasjen e komisar Artan Çukut ka pranuar të bashkëpunojë me policinë.
Mikel Shallari u ka thënë oficerëve të policisë se do të tregonte gjithçka por me kushtin që familja e tij të dërgohet jashtë shtetit dhe të merret në mbrojtje nga policia.
Ai është treguar i gatshëm të nxjerrë emrat e porositësve të vrasjes së ndodhur më 8 prill të këtij viti në Tiranë.
Burimet thonë se krimi dyshohet se u porosit nga një burg jashtë vendit, ndërsa po hetohen disa pista që mund të çojnë në zbardhjen e ngjarjes dhe identifikimin e personave që urdhëruan vrasjen e komisar Çukut.
Ndërkohë, Prokuroria e Krimeve të Rënda ka ngritur akuzë për Mikel Shallarin për “vrasje me paramendim për gjakmarrje të kryer në bashkëpunim”.
