Një ditë pasi Tom Doshi deklaroi se do mbështesë Edi Ramën edhe pse garon për partinë e Skender Gjinushit në Shkodër, ka ardhur përgjigja nga koordinatori i PS-në Shkodër, Ditimir Bushati.
Duke folur para mbështetësve të majtë në vaun e Dejës, Bushati tha se s;kemi nevojë për bamirës dhe i kujtoi Doshit se ata që janë me PS garojnë në këtë sigël dhe jo në partiza…
“Me datën 25 ka vetëm një zgjedhje, Partia Socialiste, dhe jo për kandidatë të tjerë që dalin lart e poshtë nëpër televizion që thotë na i jepni votat ne se edhe ne do të mbështesim Edi Ramën. Po të ishte puna kështu nuk do të ishim në parti të ndryshme, do të ishim të gjithë në të njëjtën parti. Nuk kemi nevojë as për me dëgju parti të tjera që vijnë me forma të tjera me penetru, edhe këtu, ne kemi parë në fund të ditës së çfarë kanë bërë. Bamirësit janë në fondacione bamirësie, kishat dhe xhamitë i ndërtojnë institucionet fetare. Unë kam përshtypjet se kjo zonë ka të drejtë për të zgjedhurit e tyre”, është shprehur Bushati në Vaun e Dejës.
Një ditë më parë Tom Doshi duke dalë nga prokuroria e përgjithshme ku u njoh me akuzat për fshehje pasurie, tha se “në Shkodër ai do të nxjerrë 3-4 deputetë”. I pyetur se më kë do bëjë koalicion PSD (partia me të cilën garon Doshi), ai tha se “unë mbështes vetëm Edi Ramën. /Opinion.al
