Të gjithë drejtorët mashtrues e shantazhues do të ikin nga administrata. Kështu deklaroi Lulzim Basha gjatë një takimi elektoral në Mallakastër.
Duke prezantuar ekipin e Fierit, Basha shprehet: “Ankohen se kanë ikur 20 apo 30 drejtorë. Do ikin edhe 300 të tjerë nëse shantazhojnë qytetarët. Koha e mashtruesve po merr fund”.
Ndërsa shton: “Po vjen koha e njerëzve punëtorë të Mallakastrës dhe gjithë Shqipërisë. Republika e vjetër kapitulloi duke nënshkruar reformën kushtetuese dhe zgjedhore”.
“Kjo është beteja. Gjithçka tjetër është shfaqje, janë mashtrime. Beteja është ose do të mposhtim republikën e vjetër të politikanëve të korruptuar që kanë 27 vjet që kanë përvetësuar pemën e demokracisë për veten e tyre, ose tjetër nuk ka.
Koha ka ardhur. Shqiptarët janë bashkuar dhe unë jam i vendosur tu udhëheq drejt horizontit të demokracisë së qytetarëve, jo thjesht për një grusht qytetarësh”, tha lideri demokrat.
Kujtojmë se ministrat teknikë të emëruar nga Basha në qeverinë e drejtuar nga Edi Rama kanë shkarkuar dhe çuar për ndjekje penale shumë drejtorë dhe punonjës të administratës pasi janë përfshirë në fushatë. E vetmja që ka reaguar nga qenë LSI-ja. Edhe në rastet kur janë larguar drejtorët e PS, kjo forcë politike nuk ka kontestuar vendimet e ministrave teknikë. /Opinion.al
