LSI tashmë shigjeton drejtpërdrejt kryeministrin dhe kreun e PS-së Edi Rama. “Ai hoqi nga listat zotërinj e zonja të vërteta duke i zëvendësuar me vajzat e korridoreve te rilindjes dhe biznesmenë pazarxhinj”, tha Silva Caka nga selia e LSI-së.
Deputetja Silva Caka që garon sërish në Berat tha se “Rama është në panik dhe trillon, por nuk e ndalon dot LSI-në të dalë forcë e parë në Berat”.
Silva Caka: “Kryepolici i rilindjes, Edi Rama erdhi dje në Berat i qartë në qëllimin e tij për të provokuar, i tmerruar nga forca e LSI-së dhe e rinisë në qarkun e Beratit. I frikësuar ai deklaroi se LSI heq gratë socialiste nga puna, ndërkohë që gratë socialiste më shuam se çdokush ai i ka injoruar me mosmirënjohjen e tij dhe arrogancë duke i zëvendësuar me vajza të korridoreve të rilindjes.
Pasi i ktheu krahët socialistëve të thjeshtë dhe i dha gjithë pushtetin oborrit të tij të rilindjes, tani kujton se mund të mashtrojë për herë të dytë socialistët duke u thënë se e paska fajin LSI-ja. Kjo alibi e tij është e mjerë dhe e pashpresë, problemi i tij i madh është se ai është ai është i tmerruar nga zgjedhjet e lira dhe vota e lirë.
