Kreu i Partisë Demokratike, Lulzim Basha, sonte, është shprehur se janë mbi 25 zyrtarë të lartë dhe të mesëm që janë shkarkuar vetëm këto tre ditët e fundit për shkelje të ligjit dhe përfshirje në fushatën elektorale.
Ndër të tjera, kreu i PD-së Basha tha në emisionin “Opinion” se ka nisur procedim penal ndaj deputetit të LSI, Gledion Rehovica, pasi është zbuluar se ishte i përfshirë në një skemë korruptive për blerjen e votave.
Basha njoftoi gjithashtu se është arrestuar edhe drejtori i Spitalit të Beratit, i përfshirë gjithashtu në këtë skemë korruptive.
“Policia ka çuar për ndjekje penale deputetin e LSI-së. Ai dhe drejtori i spitalit janë kapur në një skemë korruptive. Ky është fati që pret çdo deputet. Në arritëm një fitore të rëndësishëm, Republika e vjetër me atë marrëveshje kapitulloi. Unë jam informuar që në mënyrë operacionale ka një material të filmuar, ku bashkë me drejtorin e spitalit, kanë operuar me një skemë korruptive”, deklaroi Basha.
