Askush nuk mund të harrojë intervistën e famshme të kandidatit për deputet në qarkun e Gjirokastrës, Hazbi Kasaj i cili mallkoi të gjithë ata persona që nuk do e votonin.
“Ju zënt kanceri në grykë e vdekshit të gjithë nesër” – ishte një deklaratë që shkaktoi mjaft të qeshura nga ish kandidati i Partisë Komuniste asokohe.
Por duket se në zgjedhjet e 2017, ai kandidon sërisht dhe programi elektoral ka shkaktuar përsëri shumë humor. Në një intervistë me gazetarin Aran Xhani, Kasaj është shprehur se do të propozojë në parlament që meshkujt përdhunues t’u pritet penisi.
Intervista:
Me këtë që thua ti për bordellot Enveri do të ta hiqte kokën në mes të Gjirokastrës”,- i thotë gazetari Kasajt.
“Po na e hoqi na e hoqi. Nuk ka asgjë të keqe. Unë po jepja një mendje që kjo punë mund të bëhej kështu. Nuk ka asgjë të keqe sepse të rinjtë që të mbysin atë mendjen për të bërë seks nuk duhet ta zënë të bijën e botës me pahir po të kishte shtëpi publike. Le të vinte t’i shtrydhte ato sekrecionet e veta dhe do qetësohesh, do ta zinte gjumi e do ikte në punë e nuk do bënte gabime të tilla. Në qoftë se do ta bënte gabimin dhe unë si njeri i shtetit atëherë ne do nxirrnim një ligj t’ia prisnim fare penisin që të mbetej shytë”- tha Kasaj.
Gazetari- Këtë e ke në program si deputet?
Kasaj- Po po e kam. Shtëpia publike ta zgjidh këtë problem. Atë vajzën nuk ke pse e ngacmon ku ajo nuk do.
Gazetari- Po kjo nuk lejohet me ligj
Kasaj- Po do ta votojmë në Parlament ore, do ta votojmë dhe do t’i pritet. Unë jam për prerjen.
https://www.youtube.com/watch?v=ZoekKPopbtE
