Kryeministri i ardhshëm i Maqedonisë Zoran Zaev, publikoi propozimet për ministrat e rinj të kabinetit qeveritar.
Propozimet kanë marrë mbështetje nga partia e Zaevit, Lidhja Social-Demokrate, dhe dy partitë politike shqiptare, të cilat janë pjesë e koalicionit qeverisës: Bashkimi Demokratik për Integrim dhe Aleanca për Shqiptarë.
Pesë ministri dhe një dikaster pa portofol do të drejtohen nga BDI-ja, ndërsa dy ministri të tjera nga Aleanca për Shqiptarët.
Kuvendi mblidhet nesër për të votuar qeverinë e re të Maqedonisë.
Votimi i qeverisë pritet të bëhet më shumë se pesë muaj pas mbajtjes së zgjedhjeve parlamentare, për shkak të bllokadave të shumta që iu bënë parlamentit nga partia VMRO DPMNE e ish-kryeministrit Nikolla Gruevski. /Opinion.al
