E ardhmja e sulmuesit të Manchester United, Wayne Rooney mund të jetë te Stoke City raporton “Sunday People”. 31-vjeçari ka humbur postin e titullarit në “Old Trafford” dhe është drejt largimit sipas mediave britanike, me disa klube që kanë shfaqur interes. MLS, Kina si dhe Everton janë disa opsione për legjendën e gjallë të Man United. Megjithatë sipas “Sunday People” Stoke City është gati të bëjë një ofertë shokuese, 45 milionë sterlina për të sjellë sulmuesin në “Bet 365 Stadium”. Pronari i klubit, Peter Coates, i cili është themeluesi i faqes së lartpërmendur të basteve, është sponsori kryesor i Stoke City dhe është gati të bëjë një çmeduri financiare për të sjellë te Stoke kapitenin e United.
Me Rooney që duket pothuajse i sigurt për të lënë “Old Trafford” pas 13 vitesh, e ardhmja e tij duket se do të jetë në të dyja klubet e Everton-it ose në Kinë. Trajneri Ronald Koeman është një fans i madh i tij, por tani duke se shpresa për një kthim në Merseyside duket se është ftohur. Dhe te Stoke janë të sigurt se mund të bindin golashënuesin e të gjitha kohërave të kombëtares angleze për të qëndruar në Premier League duke u bashkuar me ekipin e Mark Hughes.
Rooney ka një vit të mbetur në kontratën e tij në “Old Trafford”, ku ai fiton një shifër kolosale 300,000 mijë sterlina në një javë dhe ai gjithashtu ka mundësinë ta zgjasë atë edhe për 12 muaj të tjerë. Megjithatë, me Jose Mourinho-n në të drejtim të United diçka e tillë duke e pamundur të realizohet ndaj golashënuesi më i mirë i Djajve është i detyruar të largohet në javët e ardhshme
