Klevis Balliu, ish-këshilltar në Presidencë, politolog është i katërti në listën e deputetëve të PD-së në qarkun e Korçës. Pra është në një vend të sigurt në Parlamentin e ri të datë nga zgjedhjet e 25 Qershorit. Emri i tij u komentua gjatë në media pasi është i biri i Fahri Balliut, një nga njerëzit e afërt të Sali Berishës.
Sot pasi janë shpallur listat, ai vetë ka reaguar duke mënjanuar kritikët ndaj emrit të tij në listën e deputetëve dhe duke premtuar përfaqësim me dinjitet për demokratët e Pogradecit.
Reagimi i plotë i Klevis Balliut
Mendoj që kjo është një listë frymëzuese dhe shpresëdhënëse për këdo që kërkon një Shqiperi demokratike dhe europiane. Përsa i përket kandidimit tim ndihem i previlegjuar që kam nderin të kandidoj në Pogradec, pasi une aty kam rrënjet e mia. Jam i dashuruar me atë vend me kulturen dhe artin e Pogradecit. Do të punoj me mish e me shpirt për të ndihmuar Pogradecin dhe pogradecarët që të marrin atë ç’ka i takon që është punë dinjitet dhe respekt.
