Prokuroria e Tiranës ka nisur verifikimet për rrethanat e vdekjes së ish-zëvendësministrit të Rendit, Sokol Baraj, pas dyshimeve se në ambulancën që e transportoi drejt urgjencës mungonte defibrilatori, aparaturë e domosdoshme për t’u ardhur në ndihmë personave të goditur nga ataku kardiak.
Gazetari i emisionit “Opinion”, Dritan Laci publikoi regjistrin e Urgjencës; ku përshkruhej se pacientit Sokol Baraj, i goditur nga një infarkt, i është bërë masazh kardiak me duar, CPR, pasi në ambulancë mungonte aparatura monitor-defibrilatorit.
Burimet pranë organit të akuzës tregojnë se një oficere gjyqësore po merret me hetimin e çështjes, ku janë marrë dëshmitë e para të personelit mjekësor, duke mbledhur të dhënat e para për rastin.
Ndërkohë, pritet të merret edhe dëshmia e familjarëve të të ndjerit, mes të cilëve edhe të vëllait të tij, deputetit Besnik Baraj.
Është mësuar se ambulanca me targë TR 9915 K, me të cilën Baraj u transportua nga shtëpia e tij drejt urgjencës nuk ka patur defibrilator, madje referuar dëshmisë së gazetarit Laci, ai prej dy vitesh ishte jashtë funksionit. Ndaj në mungesë të aparatit, të të ndjerit Baraj i është bërë masazh kardiak me dorë.
Ish-Drejtori i Përgjithshëm i Policisë së Shtetit, Sokol Baraj, u nda nga jeta në moshën 53-vjeçare tre muaj më parë, pas një ataku kardiak në zemër.
Denoncimi i gazetarit të emisionit “Opinion”, Dritan Laci me 7 prill në Facebook:
Faksimile e regjistrit
