Nazime Visha, vajza e re që vrau persekutorin e saj një viti pasi la burgun ka nisur një jetë të re.
Në mars të vitit të shkuar, 23-vjeçarja fitoi nga amnistia dhe sapo doli nga qelia u shpreh se do të nisë menjëherë shkollën. Por kjo s’ka ndodhur, Nazimja është martuar në Maqedoni, duke lënë Shqipërinë.
Pas daljes nga burgu e reja, nuk u rikthye më pranë familjes por shkoi të jetonte me gjyshërit në fshatin Kërrabë të Tiranës, vend ku ndodhi dhe ngjarja tragjike e vrasjes së njeriut që ajo tha se kishte abuzuar seksualish me të që kur ishte e mitur, Fiqiri Muçën.
Kanë qenë pikërisht të fqinjët e të afëmit e të resë nga Kërraba që pas interesimit tonë për të takuar vajzën që u bë e famshme nga vrasja e bujëshme, konfirmuan lajmin, e martesës së saj. Ata bënë me dije se 23-vjeçarja prej pak muajsh nuk jeton më në fshat, por është larguar nga Shqipëria, për të nisur një jetë të re me burrin që jeton në Maqedoni. Burimet thonë se Nazimja nuk ka bërë dasmë, por ka preferuar të largohet menjëherë nga Shqipëria. Pas vrasjes që tronditi mbarë opinionin publik në gusht të 2012-ës, pas gati 4 vitesh burg, vajza që u shndërrua në një fenomen në vendin tonë, duket se ka rinisur një jetë të re, duke lënë pas dhimbjen dhe dramën e përjetuar.
Ajo vrau babanë e 5 fëmijëve Fiqiri Muçën më 13 gusht të vitit 2013. 4 vjet pas lidhjes intime që kishte me të, Nazimja në atë kohë vetëm 18 vjeç e qëlloi për vdekje pasi nuk duronte më persekutimin e burrit disa vite më të madh se ajo. Shumë pesonazhe të njohur publik i shkruan Presidentit duke kërkuar që Nazimja të përfitonte nga amnistia dhe kështu ndodhi, ajo la burgun në 2016.
