Komisioni Qendror i Zgjedhjeve është mbledhur ditën e sotme pas tërheqjes së dy kandidatëve nga zgjedhjet për kryetar të Bashkisë Kavajë. Pasi ka diskutuar situatën e krijuar, institucioni qendror i administrimit të zgjedhjeve ka vendosur që informojë Presidentin.
Kreu i KQZ-së, Denar Biba, tha se duhet të informohet kreu i shtetit mbi atë që ndodhi dhe situatën e krijuar në Kavajë, dhe pas kësaj do të merret një vendim ligjor.
Komisioni Qendror i Zgjedhjeve është vënë përballë pamundësisë së veprimit për anulimin e zgjedhjeve në Kavajë pas dorëheqjes së dy kandidatëve.
I vetmi veprim i KQZ është tërheqja e komisionerëve duke e bërë të pamundur nisjen e votimit.
Pas tërheqjes se dy kandidateve të vetëm dhe kur na ndaj pak orë nga data e dekretuar për votimet në Kavajë, Komisioni Qëndror i Zgjedhjeve është para pamundësisë për të vepruar.
Kjo pasi nuk ka mekanizma ligjor për të vendosur mbi këtë situate, kur janë printuar rreth 63 mijë fletë votimi.
