Përse Rama dhe Basha po takohen vetëm?

Ndryshe nga dje në ora 10:00 takimi që sapo nisi mes Ramës dhe Bashës ka ndryshuar format. Ruçi dhe Paloka që shoqëronin dy liderët e partive kryesore nuk janë më në tryezën e bisedimeve. Edi Rama dhe Lulzim Basha po takohen vetëm për vetëm, në prani të Presidentit Bujar Nishani. Sipas burimeve të Opinion.al sërish liderët nuk kanë parapërgatitur ndonjë dokument, por gjatë paradites, faktorë të rëndësishëm të trupit diplomatik në Tiranë kanë punuar për një dokument që mund të jetë bazë për marrëveshje. Nuk dihet se si mund të interpretohet fakti që Basha dhe Rama po takohen pa shoqërues të tjerë. Por dihet se ky është shansi i fundit. Të diel PD ka lajmëruar një protestë në Kavajë, ndërkohë që KQZ sic meson opinion.al duhet të dërgojë fletët e votimit për t’u shtypur dhe në to deri tani mungon PD dhe partitë e tjera të opozitës. Ndaj ky mbetet shansi i fundit dhe për këtë asrye Basha dhe Rama kanë preferuar që bisedën e fundit ta bëjnë kokë më kokë. A do sjellë gjë ky takim? vështirë të thuhet….