Lideri demokrat Lulzim Basha iu përgjigj Ramës i cili tha ke afat deri më 3 Maj për tu regjistruar në zgjedhje. Basha foli për protesta të ashpra dhe për mosbindje civile që do kulmojnë më 18 Qershor.
“Dje na dha ultimatum se kemi 48 orë për t’u bërë edhe ne pjesë e fasadës, e alibisë, e teatrit të kulullave, 48 orë që opozira të bëhet alibia e teatrit të kukullave që do vazhdojë vjedhjen e shqiptarëve, që kriminelët të jenë në kuvend, në bashki, që ligji të shkelet më të dyja këmbët dhe opozita të jetë fasada. Përgjigjja ime është kjo: ke 48 ditë para se të shpallim luftën totale për asgjësimin e republikës së vjetër”- tha Basha.
Sipas tij, “mosbindja civile, bashkimi i shqiptarëve në çdo formë e mjet demokratik që do të përshkallëzohet me 7 maj në çlirimin e kryeqytetit të lirisë, Kavajës, mosbindja civile do shtrohet në cdo qytet, lagje, e fshat, për të kulmuar me 18 qershor, ky shqiptarët e bashkuar do të rimarrin kontrollin fizik të Shqipërisë që i takon dhe u takon vetëm atyre”.
Basha i kujtoi Ramës vitet ’90, duke hequr një parale mes situatës së fundit dhe rrëzimit të Ramiz Alisë. “Para se ta detyronin shqiptarët të dorëzonte pushtetin, ai I donte të gjitha. Nuk ia doli Ramizi, edhe ti Rame nuk do t’ja dalësh, harroje se mund të vendosësh monizmin në vend”- tha Basha.
Sipas tij, sido që Rama t’i ketë bërë llogaritë, opozita dhe bashkimi i madh popullor nuk do ta lejojë. “Nuk di si i ke bërë ti planet për 18 qershorin, ku po të çon mushka, por nuk do të qeverisësh dot asnjë orë të vetme pas 18 qershorit, ndaj ke vetëm një rrugë bëhu pjesë e zgjidhjes ose shporru bashkë me republikën e vjetër, qytetarët nuk do të kthehet pas”, tha ai.
