Transfertat nga një parti tek tjetra janë bërë aq të rëndomta sa çdo ditë e më shumë një fenomen i tillë nuk përbën më lajm. Që në 2005 kemi disa deputetë që kishin fituar me një parti mandatin dhe e kishin braktisur atë. Por, në gjithë këtë histori bën shumë “histori” deputeti Luan Duzha. Deputeti i Elbasanit ka ndërruar tri parti brenda një legjislature parlamentare.
Luan Duzha u zgjodh deputet për herë të parë në zgjedhjet e vitit 2013-të, në qarkun e Elbasanit nën siglën e Partisë Republikane. Asokohe, Duzha vetëm pas një muaji si deputet i republikanëve kapërcej në radhët e Levizjes Socialiste për Integrim. Mirëpo, me sa dukej, Luani i Elbasanit nuk gjeti rehat as tek LSI dhe vendosi për t’u larguar.
Në zgjedhjet e këtij viti ai do të jetë sërish në listat e kandidatëve, por këtë herë me siglën e Partisë Socialiste, ku renditet i gjashti.
