Pas kërkesës së Partisë Demokratike për përshkallëzimin e protestës në disa nga akset kryesore që lidhin qytetet e Shqipërisë, Policia e Shtetin njoftoi se nuk e kishte pranuar kërkesën duke e konsideruar bllokimin e rrugëve të jashtëligjshëm.
Drejtori për rendin dhe sigurinë, Altin Qato doli në një konferencë për shtyp për t’u bërë thirrje qytetarëve që të mos e mbështesin protestën dhe i paralajmëroi ata dhe organizatorët se do të përballen me ligjin.
“Policia e Shtetit ju bën thirrje qytetarëve të mos bien pre e thirrjeve që synojnë kaos, konflikt, destabilizim, ashtu sikundër u bën thirrje të mos i bashkohen manifestimeve të paligjshme që cënojnë lirinë e qytetarëve të tjerë dhe të drejtën e tyre për të qarkulluar lirshëm.
Të gjithë ata që do të marrin përsipër t’u shkojnë pas politikanëve të kujtdo subjekti politik për të cënuar rendin publik, penguar qarkullimin e lirë të njerëzve e të mallrave, dëmtuar bashkëjetesën shoqërore dhe ekonominë e bizneseve, do të përballen me ligjin”.
I menjëhershëm ka qenë edhe reagimi i PD-së lidhur me deklaratën e policisë. Në një komunikim për mediat, kreu i opozitës, Lulzim Basha ka pretenduar se krerët e policisë në vend që të luftojnë krimin e trafikantët, kërcënojnë qytetarët e lirë të vendit duke i ndaluar ata të shprehen në protestën që është planifikuar për ditën e nesërme.
“Partia Demokratike dhe Opozita e Bashkuar i bën të ditur publikisht cdo punonjësi dhe funksionari të policisë, se do të filmohet e do të regjistrohet emër për emër kushdo që tenton të pengojë apo intimidojë qoftë dhe një qytetar të vetëm.
Do të mbajnë përgjegjësi penale para ligjit, dhe nesër do të përgjigjet deri më një, cdo drejtues, shef apo punonjës policie që do tentojë të cënojë të drejtën sovrane të qytetarëve për të protestuar paqësisht.”-thuhej na deklaratë.
Nga ana tjetër, kryeministri i vendin ka vendosur të reagojë me një status në Facebook lidhur me ngjarjen.
“#VajmedetPD✌️Thotë do filmojmë çdo polic në krye të detyrës sepse për vete e ka braktisur detyrën dhe u kërkon njerëzve të shkelin ligjin”
Rama gjithashtu kishte vendosur që komunikimin e përjavshëm në Facebook t’ia kushtonte pikërisht protestës së opozitës.
“Çadra është shëmbëlltyra e mënyrës më të mbrapshtë të të menduarit të politikës për njerëzit, ata që dështuan ta bëjnë Shqipërinë shtet duke mos u sjellë vetë në radhë të parë si njerëz të ligjit, ata që janë ngujuar nga frika e drejtësisë nuk e kanë problem të prodhojnë duan destabilizim tym rrëmujë, Flasin për republikë të re se nuk duan që rruga e Europës të hapet”,- shtoi Rama.
Në të njëjtën kohë, Basha ka çadra ka paralajmëruar për një protestë paqësore.
“Nuk do ketë dhunë, por protestë të vendosur dhe e pathyeshme, në shërbim të çdo shqiptari e shqiptareje, në shërbim të republikës së re.”/opinion.al
