Përgjigja totalisht e sinqertë e blogeres së youtube-it ndaj një komplimenti që i ka bërë një fansë e saj ka bërë xhiron e internetit këto ditë.
Gina Shkeda postoi një foto në instagramin e saj, ku ndodhej në shtrat me pozën tipike “I woke up like this”. Një nga 800 mijë ndjekësit e saj, 19- vjeçarja Paige Matthews ka ripostuar foton e Ginas me nëntitullin ” Nëse do të zgjohesha një ditë kaq e bukur sa Gina Shkeda, do të isha femra më e lumtur në botë” bashkangjitur hashtagun #naturalbeauty.
Një minutë më vonë Gina postoi në twitter komentin e fanses duke i dhënë një përgjigje shumë origjinale e tepër të sinqertë asaj dhe të gjithë ndjekësve të tjerë se bukuria e saj nuk ka lindur me të. “Vajza, në këtë foto kam vetullat e vizatuara, qerpikë falsë dhe injeksione në buzë. Nuk jam ajo që dukem në foto. Ti je e mrekullueshme” – i shkruan ajo fanses.
Të gjithë po duartrokasin vlogeren për origjinlaitetin dhe pozitivitetin që e karakterizon e duke përcjellë një mesazh për të gjitha vajzat, se bukuria është së brendshmi. Askush nuk ka guximin të thotë të vërtetën përsa i përket “bukurisë” që ndodhet pas selfie-ve në instagram. Duartrokitje dhe nga ne Gina!
