Ministri i Jashtëm i Hollandës Bert Koenders, ditën e sotme, është takuar me Aurela Bashën, bashkëshorten e kreut të opozitës Lulzim Basha në mjediset e hotel “Rogner”.
Mësohet se ka qenë ministri hollandez, ai që ka kërkuar një takim “kokë më kokë” me znj.Basha, ndërsa takimi ka zgjatur 15 minuta.
Koenders ka zhvilluar një vizitë zyrtare në Tiranë, ku fillimisht u takua me ministrin e Jashtëm Ditmir Bushati dhe mandej, gjatë ditës, u takua me kryeministrin Rama dhe kreun e opozitës Basha.
Ai nuk ka preferuar të flasë në media për krizën politike në vend, ndërsa deklaroi se Hollanda e mbështet integrimin e Shqipërisë në BE.
