Nisur nga dita e sotme është rikthyer moti i vranët dhe reshjet e shiut. Temperaturat e ajrit do të pësojnë rënie në vlerat e mëngjesit ndërsa mesdita nuk do të sjellë shumë ndryshime të tyre. Era do të fryjë mesatare në tokë dhe në det me shpejtësi 35 km/h nga drejtimi kryesisht jugperëndimor, për pasojë në brigjet detare do të gjenerohet dallgëzime.
Kjo situatë pritet që të vijojë edhe në ditët në vazhdim, konkretisht deri të enjten. Temperaturat gjatë këtyre ditëve pritet të ulen nga 3 deri në 7 gradë.
Ndërkohë fundjava do të pësojë një ndryshim drastik me temperatura deri në 25 gradë dhe mot të kthjellët.
Po ashtu Europa Ishujt britanike si edhe Europa qendrore do të jenë nën domininim e motit të paqëndrueshëm duke bërë që vranësirat dhe shirat e dendur të jenë prezent. Më të dendur shirat paraqiten në Francë dhe Austri ku herë pas here do të shoqërohen me stuhi të forta ere. Po ashtu me vranësira dhe shira të dobët e lokalë do të mbetet moti për gadishullin e Ballkanit. Ndërsa me kthjellime dhe temperatura relativisht të larta paraqiten: gadishulli Iberik, një pjesë e Mesdheut si edhe brigjet e detit Egje./opinion.al
