Leonard Bombaj ka qenë i ftuar mbrëmjen e sotme në emisionin Xing me Ermalin në Tv Klan. Ai është pyetur edhe për sherrin me reperin Stresi. Ky i fundit i hodhi një kohë me ujë Bombaj duke i prishur shfaqjen para një muaji.
Bombaj në Xing tha: “Stresi të vijë bashkë me prindërit në shtëpinë time. Ai e di shumë mirë shtëpinë time, se ka qenë para disa vitesh. Këtë e them pasi e kam dëgjuar atë djalin (stresin) se dua ta bëj shok Leonardin. Ndaj unë i them hajde tek shtëpia ime me babën”. Nga ana tjetër Ermali u përgjigj se do ishte mirë që të marrë pjesë një herë e mira kjo histori…
Incidenti mes Stresit dhe Bombajt ndodhi në Mars të këtiv viti. Sipas policisë, Stresi i ka hedhur një kovë me ujë regjisorit Bombaj dhe e ka sharë. Për këtë arsye ai po procedohet penalisht, pas padisë së ngritur nga Leonard Bombaj në policinë e Tiranës.
Kujtojmë që përplasja mes Arkimed Lushajt dhe Leonard Bombaj është e hershme, pasi reperi e ka akuzuar më parë Bombajn për përdhunimin e një minoreneje.
Vetë Stresi ka folur për këtë histori ku ka thënë: “Kisha shumë vite pa e parë Leonard Bombajn. Ai po jepte një spektakël në lagjen time, pranë gjimnazit “Partizani”. Mbusha një kovë me ujë te lokali përballë dhe vendosa ta lagia përpara se ai të ngjitej në skenë. Bombaj nuk duhet të dalë përpara femrave me atë që ka bërë.
Gjithsesi, unë me shaka e laga”, është shprehur Stres.
Kanë kaluar shtatë vite nga fillimi i problemeve mes reperit Stresi dhe regjisorit Bombaj për shkak të vajzës 15-vjeçare Ajsi Xhaxhaj, e cila e akuzoi regjisorin në atë kohë për përdhunim. Po kështu Stresi doli në krah të Ajsit. Për këtë të fundit, Bombaj tha se historia është mbyllur në gjykatë në favorin tim.
