“Nuk më ka marrë malli të dal në foto me ty. Hajde uleni dhe kushti është qeveria teknike”. Kjo ishte përgjigja e Lulzim Bashës për thirrjen e Edi Ramës për tu ulur në tryezën e diskutimeve sa më shpejt. Meqënëse Rama i tha e ke numrin tim, edhe Basha iu përgjigj me të njëjtën batutë: Edhe ti e ke numrin e negociatorit tim. Cakto edhe ti negociatorin, të përfundojnë sa më shpejt modalitetet dhe ulemi siç kishim rënë dakord të mërkurën e kaluar. Problemi nuk është se kam frikë unë nga ty, problemi është se ti nuk ndahesh dot nga krimi. Vetem një qeveri teknike është garant i zgjedhjeve”, tha lideri demokrat nga çadra e lirisë.
Pjesë nga deklarata e Bashës
Ke kurajon se siç e bën me penel të bardhën të zezë dhe të zezën në të bardhë, ashtu di e bën edhe me shqiptarët. E bardha nuk behët sot e zezë. Re dakort për qeveri teknike se ti je mësuar me pushtet në tavolinë. Ta solli në 2013 , në 2015 , ne nuk duam pushtet në tavolinë , ne duam të vendosin me votë qytetarët shqiptarë. Dhe do ta kenë pa diskutim dhe harroje se do t’ua mohosh më.
Ne nuk mund të lejojmë kurrë që vendin ta qeverisin një grusht kriminelësh që kanë lidhje vetëm me karrigen tënde dhe pasurinë tënde Edi Rama! Prandaj lëri broçkullat, zgjidhe vetë vendin dhe orën, po nuk do vij unë të bëj fotografi dhe monologje shterpre me zotërinë tënde se nuk më ka marrë malli të të takoj. Nëse do dialog, cakto negociatorin! Nëqoftese ta mban të ndahesh nga krimi, numrin e negociatorit tim e ke ti…
