Komisar Artan Cuku që u ekzekutua mbrëmë në hyrje të pallatit të tij ka qenë i përfshirë në një ngjarje në vitin 2005.
12 vite më parë, personi i shoqëruar në polici Agim Daka i mori armën shefit të Komisariatit Nr 4., dhe vrau veten. Një nga pistat e policisë për të gjetur vrasësit e Çukut është edhe kjo ngjarje ndaj po e ribotojmë.
Asokohe u tha se Daka ka pasur probleme me shëndetin mendor dhe akuzohej si shkaktari i vetevrasjes se gruaj se tij Mira Daka. Kjo e fundit u gjet e helmuar dhe të afërmit e 20-vjeçares bënin përgjegjës për vdekjen e së resë Agimin, duke mos e lejuar as në varrimin e saj. I gjendur nën presionin dhe frikën e ekzekutimit, Daka ka gjetur si të vetmen rrugëzgjidhje, vetëvrasjen.
Historia e arrestimit të Agim Dakës
Agim Daka jetonte në Shkodër me bashkëshorten, por pas vetëvrasjes së kësaj të fundit ai u largua prej frikës së vëllezërve të viktimës. Në Vorë, ai është ndaluar nga postblloku i policisë së Komisariatit nr.4. Efektivave në patrullë u bëri përshtypje ngjashmëria e tij me të kërkuarin Bujar Daka. Vëllai i viktimës, Bujar Daka nga fshati Cërrnicë i Tropojës ishte arratisur së bashku me 2 persona të tjerë nga ambientet e paraburgimit në Shkodër .
“Nuk jam Bujari, jam Agimi. Unë jam vëllai i atij që kërkoni ju. Për këtë kam dhe dokument identifikimi, merreni po të doni. Po shkoj në Tiranë se kam një punë timen”, mësohet t’u ketë thënë uniformave në Vorë.
Artan Cuku, i cili ka mbërritur në vendin ka bllokuar Dakën dhe e ka marrë për verifikim në komisariat.
“Nuk dua të shkoj asgjëkund. Ju lutem më lini të lirë, se boll halle kam. Unë nuk e dua jetën, se do më vrasin vëllezërit e gruas”, qenë fjalët e tij. Me gjithë habinë e efektivave të antikrimit, Agim Daka ka vijuar të qajë e ngashërehet nga Vora, deri sa ka mbërritur në zyrën e Cukut. Sipas burimeve, shefi i krimeve e ka qetësuar, duke i thënë se do të qëndrojë atje vetëm pak minuta, sa të verifikohet identiteti i tij në bashkëpunim me Drejtorinë e policisë së Shkodrës.
Me një veprim të shpejtë, ai ka rrëmbyer pistoletën e Cukut dhe ka e shkrepur menjëherë në kokë. Pas përfundimit të të gjitha verifikimeve dhe analizës, se Daka ishte vetekzekutuar. Në duart e viktimës gjetëm copëra baruti, që kanë mbetur aty pas qitjes së plumbit. Pra, klasifikohet vetëvrasje e pastër në kushtet e depresionit.
